ජනසවි අමුණ ජනසතු කළ වගයි.......
ශ්‍රී ලංකා මහවැලි
අධිකාරි පනතට අනුව 1978 විශේෂ ගැසට් නිවේදනය මඟින් ත්‍රීකුණාමල දිස්ත්‍රික්කයේ
කන්තලේ සූරියපුර කොට්ඨාශය මහවැලි අධිකාරියට පවරා ගෙන සත්ව ගොවිපලක් ලෙස පවත්වාගෙන යන ලදි.
පසු කාලයකදී ත්‍රස්ත
ක්‍රියා හේතු කොටගෙන තාවකාලිකව මහවැලි අධිකාරිය මෙම ප්‍රදේශයෙන් බැහැරවිය. ත්‍රස්ත ක්‍රියා වර්ෂ 2007දී අඩුවීමත් සමඟ ශ්‍රී ලංකා මහවැලි අධිකාරිය නැවත
එම ප්‍රදේශයේ පවත්වා ගෙන ගිය ගොවිපල කටයුතු අල්ල කන්තලේ ගොවිපල නමින්
ආරම්භ කරන ලදි. ඉන්පසු මෙම ප්‍රදේශයට ත්‍රස්ත ක්‍රියා වලට පෙර පදිංචි පිරිස්
නැවත පදිංචිය සඳහා පැමිණීම හා සිටින ජනාවාසීන් අවිධිමත් ලෙස ඉඩම් භුක්ති විදීම,
වෙනත් අවිධිමත් ඉඩම් කටයුතු නිසා සූරියපුර කොට්ඨාශයට විධිමත් ජනාවාසකරණයක අවශ්‍යතාවය
මතුවිය.මෙම කරුණු හේතු කර ගනිමින් මහවැලි නිලධාරීන් දැඩි දුෂ්කරතා මධ්‍යයේ
සූරියපුර කොට්ඨාශයේ 2012.12.20 වැනි දින
කොට්ඨාශ කළමනාකාර කාර්යාලයක් ස්ථාපිත කරන ලදි.
එතැන් සිට අද දක්වා ශ්‍රී ලංකා මහවැලි අධිකාරියේ වාර්ෂික ප්‍රතිපාදන මත විශාල මුදල් ප්‍රමාණයක් මෙම ප්‍රදේශයේ සංවර්ධනය සඳහා යොදවා ඇති අතර, එහි එක් ප්‍රතිඵලයක් ලෙස සහ, ශ්‍රී ලංකා මහවැලි අධිකාරියේ දැක්ම වන තිරසාර කෘෂිකර්මය, පුනර්ජනනීය
බලශක්තිය, පරිසර සංරක්ෂණය සහ මහවැලි බල ප්‍රදේශ වල පදිංචි පුරවැසියන්ගේ ජීවන තත්වය
ඉහළ නංවනු වස් භූමිය සහ ජලය ප්‍රශස්ත අයුරින් භාවිත කිරීම සඳහා වන ශ්‍රී ලංකාවේ
විශිෂ්ඨතම ආයතනය බවට පත්කරලීම යන්න සාක්ෂාත් කරලමින් 2017 ඔක්තෝබර් මස 12 වෙනි දින මිලියන 3.5ක වියදමින් ජනරංජන වැවෙහි ජල මුලාශ්‍රයන් පදනම් කරගනිමින් සූරියපුර කොට්සඨාශ කළමණාකාරතුමාගේ අධීක්ෂණයෙන් , සූරියපුර ගොවි නියෝජිතයින් ගේ සහභාගීත්වයෙන් සහ නේවාසික ව්‍යාපාර කළමණාකාරතුමාගේ මූලිකත්වයෙන් ජනසවි අමුණ ලෙසින් ජනතා අයිතියට පත්කරන ලදි.
හර්ෂණී මධුවන්ති
තොරතුරු සන්නිවේදක
මහවැලි වියමන
මහවැලි වියමන
No comments:
Post a Comment